Me vil etter kvart få på plass alle som har styreverv og anna i organisasjonen vår, samt terminlister og nært føreståande stemner. Styret ynskjer alle medlemane lukke til i det nye året.
09.01.12 Les mer
Me vil med dette få ynskja alle våre medlemar og støttespelarar ei riktig God Jul.MvhStyret
23.12.11 Les mer
Me minner om årsmøtet som vert halde i skyttarhuset på Flatråker, fredag 30. desember kl 20.00. Styret møter kl. 19.00. Vel Møtt.
23.12.11 Les mer
Torsdag 08. september vert det arrangert merkeskyting på banen.Me samlast kl 1800.Vel møtt
04.09.11 Les mer
Onsdag 31. august, kom Steinar Vestby frå Megalink og utførte full servise pluss aktuelle oppgraderingar på det elektroniske anlegget vårt. Me har vore mykje plaga med lyn og torebrak, med det resultat at me kun har fått nytta 100 meteren det siste året. Bilete: Trond med defekt gravkort på 200 m.
04.09.11 Les mer
Det var heller lite oppmøte på lagsmeisterskapet bane i år, men dugnadsgjengen frå i vinter møtte og sette kvarandre i stemne. På tross av lite skyting dette året, så vart resultata slett ikkje verst og 5 klassevinnarar vart det. Gjermund stillte med kragrifla og vant klasse V55, Lars Henrik har vore fråverande sidan LS Lesja 2005 og tok eit come back i klasse 1, med 242 poeng. Harald noterte seg for årsbeste i klasse 2. Ole Andreas har heller ikkje fått prioritert skytinga dette året, men stillte med talentet sitt og banka inn 225 poeng og med 98 i finalen enda han med fine 323 poeng i klasse 3. I klasse 4 måtte Nils skjerpa seg for å visa at dei gamle fortsatt var eldst. Det klarte han såvidt og tok meisterskapet heim med 326 poeng.
28.08.11 Les mer
I morgon 28. august, vert Tysnes meisterskapet i baneskyting arrangert. Mellom kl 10.30 og 12.00, er det påmelding. Små og store, unge og eldre, alle er hjarteleg velkommen.
27.08.11 Les mer
Søndag 14. aug., inviterte Tysnes Skyttarlag til instruksjonsskyting og sosialt samvær. Heile 13 born ville prøva skytinga sin edle kunst og for innsatsen fekk dei flotte diplom og medaljar. Svært gledeleg var det, at også nokre vaksne karar ville nytta høvet til å sneia borti blinken denne dagen. I godt lag høyrer mat og drikke med. Det vart servert pølse i brød med saft og kaffi til drikke attåt. Det var eit gledeleg stort frammøte, med totalt over 40 stk som var samla på banen denne dagen. Tysnes Skyttarlag takkar alle som møtte opp og ynskjer velkomen attende ved seinare høve.
16.08.11 Les mer
Tysnes Skyttarlag arrangerer Skytingens Dag på Flatråker, søndag 14. august, Påmelding mellom kl. 11.00 og 13.00.Små og store, unge og eldre, alle er velkomne.
12.08.11 Les mer
LAURDAG 13. AUGUST, innbyr Høylandsbygd Skyttarlag til krinsstemne bane, og Den norske skyttarmedalje (Org.medaljen) på Halsnøy Skytebane.Gå inn på "Innbydingar" og sjå innbydelsen der.
11.08.11 Les mer
Sjå innbyding frå Odda skyttarlag. Me minner også om Jubileumsstemne på Os alt no til helga den 09-10. juli. Same helga arrangerer også Hålandsdal/Eikelandsfjord banestemne.
03.07.11 Les mer
Fredag 03. juni, arrangerte Tysnes Skyttarlag årets fyrste treningsskyting til storviltprøven, i varm og nydeleg kveldsol. Øvelsen er 15 skot mot ringskive, avstand 100 meter. Det er krav til alle jegrar om å ha registrert minimum 30 skot, anten på stemne eller ved organisert trening, før den enkelte får høve til å skyta opp til storviltprøven.
03.06.11 Les mer
Søndag 29. mai rigga me til banestemne på Flatråker. Diverre hadde Tor med hammaren gjort så godt arbeid på 200 meteren, slik at alle frammøtte skyttarar måtte skyta på 100 meteren. Været var tåleg bra og det møtte 7 stk, derav 5 stk som sette kvarandre i stemne. Denne gongen må me spesielt nemna Gjermund, som hadde henta fram gamle kragen frå eit 4 års pensjonisttilvære. Det synte seg at Gjermund og kragen kunne sitt fag og leverte varene så det heldt. Det er å vona at dette "radarparet" vil fortsetja og gjerne "herja" litt rundt i samlaget slik dei før gjorde.
30.05.11 Les mer
Fredag 27. mai startar fyrste oppskyting til storviltprøven. Påmelding kl 1730 - 1930. Dette gjeld alle skyttarar som til no har fått registrert 30 skot, ved å ha teke del på arrangerte felt- og banestemner. Totalt er det terminfesta 4 kveldar med oppskyting og 6 kveldar med trening for registrering av 30 skot. I tillegg til dette er det høve til å ta del på banestemne no den 29. mai, og på Tysnes Meisterskap Bane den 28. august og få registrert 30 skot.Fyrste trening til storviltprøve vert fredag 03. juni (1730-1930). Styret har vedteke at det ved spesielle behov, samt at dei praktiske tilhøva elles må liggja til rette, så vil ein gjennomføra oppskyting også på treningskveldar. Det må her merkast at treningsskyting har 1. prioritet.
24.05.11 Les mer
Er det nokon i laget som ynskjer å ta del på landskyttarstemnet i år, så må dei kontakta Nils Flakke innan onsdag 8. juni kl 2100, for påmelding.
12.05.11 Les mer
Minner om påmelding til ovannemnde stemner.Hordastemnet v/Fana sk.lag har påmelding: f.o.m. fredag kveld 13. mai - t.o.m. fredag 27. mai 2011.Vestlandsstemnet v/Førde skyttarlag og Sunnfjord Skyttarsamlag, har frist for påmelding innan 06. juni.Sjå innbydingar for desse stemna.
12.05.11 Les mer
Omvikdalen skyttarlag og Husnes skyttarlag, innbyr til dobbelt stemne denne helga. Omvikdalen arrangerer banestemne på Midthølen, medan Husnes arrangerer feltstemne på Handeland skytebane. I tillegg til dette, arrangerer Aga og Vikebygd 100 års jubileumsstemne på Aga. Detaljar for desse stemna ligg på mappa Innbydingar. God tur. NB! På grunn av at det er 3 skytestemner denne helga så vil Aga og Vikebygd Skyttarlag utvida påmelding utover sundagen 22. mai.
11.05.11 Les mer
Til info, så vert alle mottekne stemneinnbydingar lagt i mappa, Innbydingar, ute til venstre. I mappa, Terminlister 2011, vil de finna terminlistene til Hordakretsen, Sunnhordland skyttarsamlag og Tysnes skyttarlag. Fylg med og ta del på dei stemner som høver for dåke. Her ligg alt til rette for mange trivlege helgeturar.
11.05.11 Les mer
Søndag 1. Mai, arrangerte Tysnes skyttarlag sin tradisjonelle baneopning. Programmet for skytinga var vanleg 15 skot (klasse) og 10 skot (grunnlag). Dette var ei ny erfaring for fleire av dei 10 skyttarane som sette kvarandre i stemne på denne flotte 1. mai dagen, men alle takla utfordringane godt og trivselsfaktoren var god. Ole Andreas Løve Storesætre vart vinnar av stemnet med 230 poeng. Han vart fylgt til døra av Alf Arne Aasheim, som hadde leita fram mykje god gamal rutine til denne skytinga og innkasserte 227 poeng.
02.05.11 Les mer
Tysnesmeisterskap Felt 2011, vart arrangert laurdag 16. april.Meisterskapet vart vunne av Ole Andreas L. Storesætre med sterke 29/12. Harald Storesætre vann klasse 2. Medan det var Ruben Aasheim (Bilete) som vant i klasse Aspirant. I jegerklassen var det Olav Teigland som vart meister. Det var rangeringshold som avgjorde, då han stod likt med Helge Restad. Begge hadde 29/18 i treff. Medan Odd Magne Aasheim kvitterte med 29/15.
17.04.11 Les mer
Laurdag den 2. april, arrangerte Tysnes skyttarlag årets første interne feltstemne. Det vart konkurrert i Jegerfelt og i Grovfelt. Det var relativt lite nedbør medan stemnet pågjekk, men vekslande lysforhold og sterk vind, gav skyttarane ekstra utfordring. Det vart vist mykje god skyting og på Jegerfelten var det Gunnar Teigland som vant med 29/18. På Grovfelten var det Ole Andreas L. Storesætre som viste treffsikkerhet med 28/19.
03.04.11 Les mer
Etter mange gode år med miniatyrskyting i bomberommet ved Tysnes skule, er denne aktiviteten no avslutta. Årsak er at skulen treng romarealet til eige bruk som ein diverre ikkje kan kombinera med miniatyrskyting. Me er glade og takksame for det gode samarbeidet som har vore med Tysnes skule i alle desse åra og sameleis no, når tida var komen for å rydda etter oss.
28.03.11 Les mer
| M | T | O | T | F | L | S |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 1 | 2 | 3 | 4 |
